بیجنگ: ویسے تو طلاق کو ہر سماج میں اچھا نہیں سمجھا جاتا، تاہم چین کی ایک خاتون کے لیے یہ بہت نفع بخش ثابت ہوئی ہے، چین میں اس نے خاتون کو ارب پتی بنادیا اور امیر ترین افراد کی فہرست میں بھی شامل کرادیا۔
بین الاقوامی خبر رساں ادارے کے مطابق معروف کمپنی کے مالک نے 16 کروڑ سے زائد کے شیئرز طلاق کے بعد اپنی سابقہ بیوی کے نام کیے۔
16 کروڑ سے زائد کے شیئرز طلاق کے بعد اپنی سابقہ بیوی کے نام کرنے کے بعد یہ ایشیا کی مہنگی ترین طلاق ہے۔
چین کی اس معروف کمپنی کے مالک وہ ہیں جو کورونا وائرس کے لیے ویکسین تیار کررہی ہے۔
کمپنی کے مالک نے اپنی بیوی یوان کو طلاق دی جس کے بعد ان کے اثاثوں کی مالیت 6 ارب 50 کروڑ ڈالر سے 3 ارب 10 کروڑ ڈالر پر پہنچ گئی۔
خیال رہے کہ اس طلاق کو ایشیا کی مہنگی ترین طلاق کہا جارہا ہے جب کہ دنیا کی مہنگی ترین طلاق امیزون کے مالک جیف بیزوس کی ہے۔
امیزون کے مالک جیف بیزوس نے طلاق کے بعد اپنی بیوی کو 48 ارب ڈالر دیے تھے، جس سے ان کی بیوی دنیا کی چوتھی امیر ترین خاتون بن گئی تھیں۔