کراچی میں افسوسناک واقعہ،گڑھے میں نہاتے ہوئے پانچ بچے جاں بحق

کراچی:کراچی کے علاقے سرجانی ٹاؤن میں پانی کے گڑھے میں ڈوب کر دو کمسن بھائیوں سمیت پانچ بچے جاں بحق ہو گئے۔

تفصیلات کے مطابق سرجانی ٹاؤن کے سیکٹر سیون اے میں ایک افسوس ناک واقعہ پیش آیا ہے جہاں پانی کے گڑھے میں نہاتے ہوئےپانچ بچے ڈوب کر جاں بحق ہوگئے جبکہ تین کو بچا لیا گیا۔حادثے میں جاں بحق ہونے والے بچوں کی لاشیں قانونی کارروائی کے لیے عباسی اسپتال منتقل کردی گئی ہیں۔جاں بحق بچوں کی شناخت 9 سالہ اسید احمد، اس کے بھائی 13 سالہ مقصود احمد، 14 سالہ زبیر، 13 سالہ ارمان طاہر اور 11 سالہ عبداللہ کے ناموں سے ہوئی ہے۔پولیس کی ابتدائی تفتیش کے مطابق بچے گڑھے میں جمع ہونے والے پانی میں نہانے کے لیے اترے تھے کہ حادثے کا شکار ہوگئے۔