سجل ملک سے منسوب کی جانے والی نازیبا ویڈیو جھوٹی نکلی

لاہور: مشہور اینکر پرسن اور ٹک ٹاکر سجل ملک سے منسوب کی جانے والی نازیبا ویڈیو لیک جھوٹی نکلی۔
رپورٹ کے مطابق گزشتہ کچھ دنوں سے ایک ویڈیو سوشل میڈیا پر گردش کررہی تھی جس کو ٹک ٹاکر سجل ملک سے جوڑا جارہا تھا تاہم اب انکشاف ہوا ہے کہ وہ ویڈیو کسی مغربی ملک کی ہے اور اسے سجل کو بدنام کرنے کے لیے پھیلایا گیا تھا۔
ویڈیو میں نظر آنے والی خاتون کے بارے میں دعویٰ کیا جارہا تھا کہ وہ سجل ہیں، تاہم اب واضح ہوچکا کہ سجل ملک کا اس ویڈیو سے کوئی تعلق نہیں۔ سجل کو مذکورہ ویڈیو سامنے آنے کے بعد شدید تنقید کا نشانہ بنایا گیا تھا۔
خیال رہے کہ سجل ملک کے ٹک ٹاک پر1 لاکھ 76 ہزار سے زائد فالوورز اور دو ملین سے زیادہ لائیکس ہیں۔ نامناسب ویڈیو کو ان سے جوڑے جانے کے اس واقعے نے نہ صرف ان کی ساکھ کو متاثر کیا بلکہ ڈیجیٹل پرائیویسی اور سائبر کرائم سے متعلق نئے سوالات کو جنم دیا ہے۔